殷宏章
རྒྱ་མཚོར་སྲུང་སྐྱོབ་བྱེད་པ།

ཤེས་ལྡན་མི་སྣ་ལོ་གཅིག་གསོ་སྐྱོང་བྱས་པ་ནི་སྡོང་ཕྲུག་གསོ་སྐྱོང་བྱེད་པ་དང་འདྲ་ལ། ལོ་བཅུ་གསོ་སྐྱོང་བྱས་ཚེ་སྡོང་རྒན་ལྟར་གྱུར་ཞིང་། མི་ཚེ་ཧྲིལ་པོ་གསོ་སྐྱོང་བྱས་ཚེ་གཞི་ནས་འཇོན་ནུས་ཐོན་ཐུབ། ——དབྱིན་ཧུང་ཀྲང་ནས།

མི་སྣའི་ཤེས་བྱ་ཀུན་འདུས།

དབྱིན་ཧུང་ཀྲང་ནི་རྩི་ཤིང་གཟུགས་ཁམས་རིག་པ་ཡིན་ལ། ཀྲུང་གོའི་འོད་སྦྱོར་ནུས་པ་ཞིབ་འཇུག་མཁན་ཐོག་མ་དེ་ཡང་ཡིན། དུས་ཡུན་རིང་པོར་རྩི་ཤིང་སྐྱེ་དངོས་རྫས་འགྱུར་དང་འོད་སྦྱོར་ནུས་པ། སྐྱེ་འཚར་གསོ་སྤེལ་གྱི་ཞིབ་འཇུག་གནང་གི་ཡོད། སྐུ་ན་གཞོན་དུས་སུ་སྐྱེ་འཚར་རྒྱུ་དང་འགུལ་སྐྱོད་རྐྱེན་རྩའི་འབྲེལ་བར་ཞིབ་འཇུག་གནང་ཏེ། རང་ཉིད་ཀྱིས་བཏོད་པའི་རྫས་འགྱུར་བྱེད་ཐབས་གྲུབ་ཚུལ་གྱིས་ལིན་སྐྱུར་ཧོ་མེའི་དང་རྩི་ཤིང་ནང་གི་སིང་ཕྱེ་མཉམ་སྦྱོར་གཉིས་ཀྱི་འབྲེལ་བ་འགྲེལ་བཤད་གནང་ཡོད། ལོ་རབས་ལྔ་བཅུ་པར་རང་རྒྱལ་གྱི་འོད་སྦྱོར་ནུས་པའི་ཚོད་ལྟ་ཁང་ཐོག་མ་དེ་བཙུགས་པ་དང་། འོད་སྦྱོར་ལིན་སྐྱུར་འགྱུར་རྫས་དང་དངོས་པོའི་འགྱུར་ལྡོག རིགས་ཚོགས་ཀྱི་ལུས་ཁམས་ལ་སོགས་པའི་ཞིབ་འཇུག་ཐད་ལ་གཅིག་ཏུ་གཞོལ་བ་དང་། ཀྲུང་གོའི་རྩི་ཤིང་གཟུགས་ཁམས་རིག་པ་འཕེལ་རྒྱས་ཡོང་བར་ལེགས་སྐྱེས་ཆེན་པོ་ཕུལ་ཡོད།